ՄԱԿ-ի գլխավոր քարտուղարը պատվաստվել է COVID-19-ի դեմ
ՄԱԿ-ի գլխավոր քարտուղար Անտոնիու Գուտերեշը պատվաստվել է կորոնավիրուսի դեմ։ Այս մասին նա հայտնել է իր թվիթերյան էջում։
«Այսօր ինձ բախտ վիճակվեց ստանալու COVID19-ի դեմ պատվաստանյութի առաջին չափաբաժինը։ Մենք պետք է աշխատենք՝ պատվաստանյութը հասանելի դարձնելու բոլորի համար և ամենուր։ Պանդեմիայի դեպքում մեզնից ոչ ոք անվտանգության մեջ չի հայտնվի, քանի դեռ բոլորս չենք լինի անվտանգության մեջ»,-գրել է նա։
ՄԱԿ-ի գլխավոր քարտուղարը չի նշել է, թե գրանցված պատվաստանյութերից որն է ներարկվել նրան։
