Հաջորդ չորեքշաբթի կառավարությում կսկսեն զբաղվել քաշաթաղցիների խնդիրներով
Կառավարության շենքի առաջ են հավաքվել Քաշաթաղի շրջանի բնակիչները: Նրանք ցանկանում են հանդիպել Նիկոլ Փաշինյանին և իրենց բնակարանների խնդիրները լուծելու ուղղությամբ վարչապետից տեղեկություններ ունենալ:
Բնակիչները նշում են, որ իրենք արդեն երկու անգամ վերաբնակեցվել են և հիմա անվտանգության երաշխիքներն իրենց այնքան էլ չեն բավարարում:
Քաշաթաղի վարչական ղեկավարն էլ նշել է, որ թե՛ բնակարանների, և թե՛ կեցության ապահովման ծրագրերը կյանքի կկոչվեն միայն Արցախում:
Ներս են հրավիրվել 3 քաշաթաղցիներ, որոնք քիչ անց դուրս են եկել և հայտարարել, որ կառավարությում հաջորդ չորեքշաբթի կրկին հանդիպում կլինի, և որ փոխվարչապետ Մհեր Գրիգորյանի գլխավորությամբ ստեղծված աշխատանքային խումբը կզբաղվի իրենց խնդիրներով ևս:
