Ստամբուլում դանակով զինված տղամարդը վիրավորել է երեք ռուսի
Ստամբուլում դանակով զինված տղամարդը հարձակվել է երեք ռուսի վրա: Այս մասին РИА Новости-ի հայտնել է ոստիկանությունում գործակալության աղբյուրը։
Հարձակումը տեղի է ունեցել նախօրեին Բեշիքթաշ շրջանում։ Պատահարը գրանցել են հետևող տեսախցիկները։
Տուժածները հոսպիտալացվել են, նրանց կյանքին վտանգ չի սպառնում։
Հարձակում իրականացրած տղամարդուն փնտրում են: Նախնական տվյալներով՝ նա աղբահավաքն է:
