Էդուարդ Աղաջանյա՞նն էլ է ազատման դիմում գրել. նրան կփոխարինի Արսեն Թորոսյանը
Հայկական ժամանակի տեղեկություններով՝ պաշտոնից ազատման դիմում է գրել նաեւ վարչապետի աշխատակազմի ղեկավար Էդուարդ Աղաջանյանը: Կայքի տեղեկություններով՝ Թորոսյանն առաջիկայում նշանակվելու է ՀՀ վարչապետի աշխատակազմի ղեկավար:
ՀՀ վարչապետի մամուլի խոսնակ Մանե Գեւորգյան լրատվականի հետ զրույցում ասել է՝ «որեւէ կոնկրետ բան այս պահին չկա, երբ որ համապատասխան որոշումներ լինեն, կտեղեկացնեմ»:
Հիշեցնենք, երեկ համացանցում տեղեկություն տարածվեց, թե Նիկոլ Փաշինյանի աշխատակազմի ղեկավար Էդուրադ Աղաջանյանը, առաջիկայում ազատվելու է պաշտոնից, նրան փոխարինելու է Արսեն Թորոսյանը, որն ազատվել է Առողջապահության նախարարի պաշտոնից:
Նշվում էր նաև, որ Աղաջանյանի ազատումը կապված է Նիկոլ Փաշինյանի խոսնակ Մանե Գևորգյանի հետ, որի անձի շուրջ կառավարության շենքում ինտրիգներ են կատարվում:
Փաշինյանը Աղաջանյանից ազատվում է հենց Մանե Գևորգյանի պատճառով:
