Արթուր Աբրահամն ավարտում է բռնցքամարտիկի կարիերան

Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամն ավարտում է իր բռնցքամարտիկի կարիերան. նա այլևս չի մենամարտելու։ Այդ մասին Արթուր Աբրահամն ասել է NEWS.am Sport-ին:

«Պաշտոնապես հայտարարում եմ, որ ավարտել եմ բռնցքամարտիկի կարիերան։ Այլևս չեմ ցանկանում մենամարտել, այժմ ուզում եմ իմ ժամանակն անցկացնել երեխաներիս, ընտանիքիս, ծնողներիս հետ»,-հայտարարել է բռնցքամարտիկը:

Ըստ աղբյուրի՝ Գերմանիայում բնակվող 40-ամյա բռնցքամարտիկն այս օրերին ընտանիքի հետ Երևանում է։ Նա տևական ժամանակ բացակայում է ռինգից։ Մարզիկի կարիերան ավարտելու մասին պաշտոնական հայտարարություն դեռևս չէր արել։ 

Գերմանիայում բնակվող հայ բռնցքամարտիկը պրոֆեսիոնալ ռինգում անցկացրած 53 մենամարտերում տարել է 47 հաղթանակ և կրել 6 պարտություն:

Արթուր Աբրահամը վերջին մենամարտն անցկացրել է 2019-ի ապրիլի 28-ին Գերմանիայի Օֆենբուրգ քաղաքում, որտեղ հաղթել էր դանիացի Պատրիկ Նիլսենին:

Հարցազրույցն առավել մանրամասն՝ սկզբնաղբյուր կայքում