Մեսսին չի մասնակցի Իսպանիայի Սուպերգավաթի խաղին

«Բարսելոնայի» հարձակվող և ավագ Լիոնել Մեսսին բաց կթողնի Իսպանիայի Սուպերգավաթի՝ «Ռեալ Սոսյեդադի» հետ խաղին, հայտնում է Sport.es-ը:

Արգենտինացին Պրիմերայի՝ «Գրանադայի» հետ խաղին ստացած վնասվածքից հետո անհարմարություն է զգում:

Մեսսին հերթական պատմական նվաճումն է գրանցել «Գրանադայի» հետ խաղում (4-0): 33-ամյա արգենտինացին դարձել է Իսպանիայի առաջնության պատմության առաջին ֆուտբոլիստը, որը նվազագույնը 10 գոլ է խփել 15 մրցաշրջանում անընդմեջ:

«Գրանադան» «Բարսելոնային» ընդունել էր Իսպանիայի առաջնության 18-րդ տուրի շրջանակում: Հանդիպումը կայացել է Գրանադայի «Լոս-Կարմենես» մարզադաշտում և ավարտվել է հյուրերի՝ 4-0 հաշվով ջախջախիչ հաղթանակով:

«Բարսելոնան» «Ռեալ Սոսյեդադի» հետ կմրցի այսօր՝ հունվարի 13-ին: Հանդիպման մեկնարկը 00:00-ին է: Կիսաեզրափակչի մյուս խաղում «Ռեալը» կխաղա «Աթլետիկի» հետ: