Նիկոլ Փաշինյանն, ինչ-որ կերպ ճողոպրելով, կարողացել է հասնել օդանավակայան և փախչել. Ակցիայի մասնակից

Նիկոլ Փաշինյանն ինչ-որ կերպ ճողոպրելով կարողացել է հասնել օդանավակայան և փախչել: Այս մասին քիչ առաջ «Զվարթնոց» օդանավակայանի մոտ հայտարարեց ակցիայի մասնակիցներից մեկը:

Նա նշեց՝ եթե Նիկոլ Փաշինյանն ինչ-որ հակահայ փաստաթուղթ ստորագրեց, նրա համար Հայաստանի երկինքը փակ է լինելու. «Մենք նաև այս մեր գործողությամբ կոչ ենք անում նրա հետ բանակցությունների նստողներին, որպեսզի իմանան այդ մարդը ՀՀ-ն չի ներկայացնելու, նրա կողմից որևէ ստորագրություն, բանակցություն ընդունելի չէ Հայաստանի ու հայության համար, վաղը վիճարկվելու է։ Նա լեգիտիմ ղեկավար չէ: Մենք թույլ չենք տալու, որ ինչ-որ դասալիք կարողանա մեր պետության, պետականության ու ժողովրդի ապագայի ու ճակատագրի հետ խաղա»:

«Քանի որ Նիկոլին հաջողվել է գաղտագողի հասնել օդանավակայան, մենք դադարեցնում ենք ակցիա: Եթե նա Մոսկվայում ստորագրի մի պայմանագիր, որը դեմ է Հայաստանի ու հայության շահերին, նրա համար Հայաստանի երկինքը փակ է լինելու, նա այլևս չի վերադառնալու Հայաստան»,-ասաց նա:

Ավելի վաղ հայտնի է դարձել, որ քաղաքացիները փակել են օդանավակայան տանող ճանապարհը, որպեսզի Նիկոլ Փաշինյանին թույլ չտան մեկնել Ռուսաստան, որտեղ հանդիպում է տեղի ունենալու Ռուսաստանի ու Ադրբեջանի նախագահների հետ: