Ինդոնեզիայում հայտնել են Boeing-ի կործանման հավանական պատճառը

Ինդոնեզական Sriwijaya Air ընկերության Boeing 737-500 ուղևորատար ինքնաթիռը կարող էր կործանվել ջրի հետ բախման հետևանքով, հայտնում է Straits Times թերթը՝ հղում անելով Ինդոնեզիայի տրանսպորտի անվտանգության ազգային կոմիտեին:

«Դեռևս վերջնական եզրակացություն չկա, սակայն նախնական տվյալները ցույց են տալիս, որ ինքնաթիռը կործանվել է ջրի հետ բախման հետևանքով»,- թերթին հայտնել է կոմիտեի օդային անվտանգության հետաքննությունների բաժնի ղեկավար Նուրկախիո Ուտոմոն:

Նա հավելել է, որ եթե ինքնաթիռը կործանվեր օդում, բեկորները ցրված կլինեին ավելի մեծ տարածքով։

Հիշեցնենք, որ ինդոնեզական Sriwijaya Air ավիաընկերությանը պատկանող օդանավը նախօրեին կործանվել է Ջակարտայից Պանտիանակ ուղևորվելիս և ընկել Ճավայի ծովը: Նախնական տեղեկություններով՝ օդանավում 65 մարդ է գտնվել, 53 ուղևոր, որոնց թվում՝ 10 երեխա, և անձնակազմի 12 անդամ: