Այս Ամանորն անցել է առանց սննդային թունավորումների. Թագուհի Ստեփանյան

Այս Ամանորը, նախորդի համեմատությամբ, շատ ավելի հանգիստ է անցել։ Այս մասին ասուլիսի ժամանակ ասել է «Շտապօգնություն» ՓԲԸ–ի տնօրեն Թագուհի Ստեփանյանը:

«Մենք սպասարկել ենք 1377 կանչով ավելի քիչ, քան անցյալ տարի: Ամբողջ կանչերի թիվը կազմել է 6533, հիվանդանոց է տեղափոխվել 1204 հիվանդ՝ 453-ով ավելի քիչ, քան անցյալ տարի: Նվազել են և՛ մանկական կանչերը, և՛ հիվանդանոց տեղափոխված երեխաների քանակը։ Պետք է ասեմ, որ չենք ունեցել ընդհանրապես սննդային թունավորումներ»,-ասել է Թագուհի Ստեփանյանը՝ նշելով, որ ալկոհոլային թունավորում է գրանցվել 27 հոգու մոտ, որից 20-ը տեղափոխվել են հիվանդանոց։