Օնիկ Գասպարյանը մեկնում է Ստեփանակերտ Մուրադովին հանդիպելու. Շիրակի մարզպետարան
Շիրակի մարզպետ Տիգրան Պետրոսյանը ևս մեկ անգամ հանդիպել է մարզի գերեվարված զինծառայողների հարազատների հետ, հանդիպման ժամանակ նշել է՝ ըստ իր ունեցած տեղեկությունների՝ ԳՇ պետ Օնիկ Գասպարյանը մեկնում է Ստեփանակերտ՝ ռուսական խաղաղապահ զորքերի հրամանատար Ռուստամ Մուրադովի հետ հանդիպման: Այս մասին Tert.am-ի հետ զրույցում հայտնեցին Շիրակի մարզպետարանի հասարակայնության հետ կապերի բաժնից:
«Հանդիպման ընթացքում անդրադարձ կլինի նաև Արցախում գերեվարված զինծառայողներին»,- տեղեկացրին Շիրակի մարզպետարանից:
