Լաչինի միջանցքում չպետք է լինեն ոչ ադրբեջանական, ոչ հայկական զորքեր, իսկ մարդիկ պետք է շարունակեն ապրել այդտեղ.Փաշինյան
Շուշիի Հին շենի շուրջ իրավիճակը հանգուցալուծվել է, հանգուցալուծվում է, խնդիրը լուծված է եւ գտնվում է լուծման փուլում: Այս մասին, այսօր՝ դեկտեմբերի 16-ին, Ազատությունը տված հարցազրույցում նշեց ՀՀ վարչապետ Նիկոլ Փաշինյանը՝ անդրադառնալով նրան, որ Շուշիի Հին շեն եւ Մեծ շեն համայնքներում, ըստ որոշ տեղեկությունների, մարդիկ, այդ թվում կանայք ու երեխաներ, հայտնվել էին շրջափակման մեջ:
«Խնդիրն այն է, որ կա հետեւյալ պայմանավորվածությունը, որ Լաչինի միջանցքում չպետք է լինեն ոչ ադրբեջանական, ոչ էլ հայկական զորքերի ստորաբաժանումներ: Ամբողջությամբ այն պետք է լինի ռուս խաղաղապահների վերահսկողության ներքով: Հիմա խնդիրն այն է, որ այդ պրոցեսը պետք է տեղի ունենա սինխրոն: Դա ռուս խաղաղապահների պատասխանատվության գոտում է եւ մարդիկ պետք է շարունակեն ապրել այդտեղ»,-ասաց նա:
