Միջազգային հետազոտությունների ամերիկյան Middlebury ինստիտուտի՝ սպառազինությունների նկատմամբ վերահսկողության հարցերով փորձագետ Ջեֆրի Լյուիսը Twitter-ում կադրեր է հրապարակել Իրանի նոր՝ ստորգետնյա միջուկային օբյեկտից։ Կադրերն արվել են Planet ամերիկյան ընկերության արբանյակից։

Փորձագետի հաղորդմամբ՝ Թեհրանը Նաթանզից ոչ հեռու կառուցում է ցենտրիֆուգների հավաքման նոր ստորգետնյա օբյեկտ այն բանից հետ, երբ հուլիսին պայթյունի հետևանքով ավերվեց օբյեկտի գլխավոր շենքը։

Նոր օբյեկտը կառուցվում է ժայռի մեջ։ Ցուցադրվել են թունել տանող մուտքեր՝ երկու ճանապարհներով, որոնք կապում են այն հին շենքի հետ։

Փորձագետն ընդգծում է, որ նոր օբյեկտը չափերով չի զիջում հնին։