Պատահարներ

ՏԵՍԱՆՅՈՒԹ. Վիեննայում ոչնչացված ահաբեկիչը «Իսլամական պետության» համակիր է եղել

Ավստրիայի ներքին գործերի նախարար Կառլ Նեհամերը հայտարարել է, որ Ավստրիայի մայրաքաղաք Վիեննայում ոչնչացված հրաձիգն «Իսլամական պետություն» ահաբեկչական խմբավորման աջակից էր: Այս մասին հայտնում է РИА…

Ավստրիայի ներքին գործերի նախարար Կառլ Նեհամերը հայտարարել է, որ Ավստրիայի մայրաքաղաք Վիեննայում ոչնչացված հրաձիգն «Իսլամական պետություն» ահաբեկչական խմբավորման աջակից էր: Այս մասին հայտնում է РИА Новости-ն:

«Հանցագործի վրա պայթուցիկ սարքի մուլյաժով գոտի է եղել, նա զինված է եղել»,- հավելել է նախարարը:

Վիեննայում տեղի ունեցած ահաբեկչության հետևանքով նվազագույնը 15 մարդ տուժել է, ևս երեքը մահացել են։

Հրաձգությունը սկսվել է Շվեդենպլաց հրապարակից ոչ հեռու գտնվող քաղաքի գլխավոր սինագոգի մոտ: Կանցլեր Սեբաստիան Կուրցը հաստատել է, որ ոստիկանությունը տեղի ունեցածը դիտարկում է որպես ահաբեկչություն: Ի սկզբանի համարվում էր, որ հարձակվողների թիրախը սինագոգն է, սակայն այս հաղորդումները դեռևս հաստատված չեն:

Ըստ տեղեկությունների՝ հարձակվողները մի քանիսն են եղել, նրանցից մեկը ոչնչացված է: Ահաբեկիչները կիրառել են երկարափող զենք: Հանցագործների հայտնաբերման գործողությունը շարունակվում է, դրանում ներգրավված են քաղաքի ոստիկանության մեծ մասը և զինվորականներ:

Կրակոցներն ընթացել են Վիեննայի 6 կետերում: Ավստրիայի ՆԳՆ-ից նաև հաղորդել են, որ ընդլայնել են ահաբեկիչների հայտնաբերման համար սահմանված գոտին, քանի որ չեն բացառում, որ նրանք կարող էին լքել Վիեննան:


 

Թեմաներ:

Պատահարներ

Գնահատեք հոդվածը:

Դեռ գնահատական չկա

Կիսվել ընկերների հետ:

Նմանատիպ հոդվածներ

Ավելին Պատահարներ բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7607) Միջազգային (3371) ԱՄՆ (2307) Ռուսաստան (2127) Իրան (1752) Ընտրություններ (1274) Ուկրաինա (837) Երևան (803) Իսրայել (761) Ադրբեջան (632) Փաշինյան (564) Եվրոպա (512) Ընդդիմություն (447) Ազգային ժողով (441) Թրամփ (433)

Radio Aurora

Լսել Radio Aurora

Գովազդային տարածք

300x250