Կանադայում դաշույնով զինված տղամարդը հարձակվել է մարդկանց վրա. կա 2 զոհ, 5 վիրավոր
Կանադայի Քվեբեկ քաղաքի պատմական թաղամասում դաշույնով զինված տղամարդը երկու մարդու է սպանել փողոցում: BBC News-ը նշում է, որ տղամարդը միջնադարյան հագուստով է եղել:
Հարձակումը տեղի է ունեցել Հելոուինի գիշերը՝ կիրակի: Կատարվածի հետևանքով ևս հինգ մարդ վիրավորվել են: Հաղորդվում է, որ հարձակումից կարճ ժամանակ անց երիտասարդ է ձերբակալվել, որի տարիքը 20-ից շատ բարձր չէ:
Ոստիկանությունից հայտնել են, որ «կասկածյալը կարող էր գործել անձնական շարժառիթների պատճառով»:
Երկրի վարչապետ Ջասթին Թրյուդոն ցավակցություն է հայտնել սպանվածների հարազատներին և շուտափույթ ապաքինում մաղթել վիրավորներին:
