Ադրբեջանի զինված ուժերը Սիրիայից վարձկաններին օգտագործում են որպես կենդանի վահան. սիրիացի վարձկանը՝ լրագրողին

Ադրբեջանի զինված ուժերը Սիրիայից վարձկաններին օգտագործում են որպես կենդանի վահան։  Այս մասին Twitter-ի իր էջում գրել է անկախ լրագրող Լինդսի Սնելը, որը մասնագիտացած է հակամարտությունների եւ հումանիտար ճգնաժամերի լուսաբանման գործում։

Նա հարցազրույց է վերցրել սիրիացի գրոհայիններից մեկից, որը վերջերս է վերադարձել Ադրբեջանից։

«Ադրբեջանական բանակն այնտեղ էր, բայց նրանք չէին կռվում։ Նրանք 200 մետր հեռավորության վրա են գտնվել սիրիացիներից», - ասել է վարձկանը: 

Վարձկանի հավաստմամբ ՝ ադրբեջանական բանակի կողմից մարտնչած սիրիացի գրոհայինները սկսել են զոհվել պատերազմի առաջին իսկ օրը։

«Եւ նույնիսկ ավելի՝ միայն դիպուկահարի գործողությունների պատճառով մեկ մարտում 28 մարդ ենք կորցրել։ Նրանք լավ պատրաստված են», - ասել է վարձկանը ։

Նա նաեւ նշել է, որ իրենք մեկնել են Ադրբեջան թուրքերի հետ նավթային հորերի անվտանգությունն ապահովելու համար:

[364fefce41da7e49d16bf1fce293fc10.jpg]