Թուրքիայի կողմից տարածաշրջան բերված ահաբեկիչները թափանցել են ՌԴ՝ հասնելով մինչև Չեչնիայի և Դաղստանի սահման. Բաբայան

Վերջին օրերին մենք տեսնում ենք շատ վտանգավոր զարգացումներ: Թուրքիայի կողմից տարածաշրջան բերված ահաբեկիչները թափանցել են ՌԴ՝ հասնելով մինչև Չեչնիա, մամուլի ասուլիսի ժամանակ ասաց ԱՀ նախագահի խորհրդական Դավիթ Բաբայանը:

«Ահաբեկիչների մի մասը տեղակայված է Դաղստաի հետ սահմանին: Չի բացառվում, որ որոշ խմբեր լինեն դաղստանյան անտառներում պատսպարված:
Մյուս վտանգավոր զարգացումն այն է, որ թուրք-ադրբեջանա-ահաբեկչական եռամիասնությունը շատ վտանգավոր քայլեր է ձեռնարկում. նրանց կարևոր թիրախներից մեկը վերջին օրերին Արաքս գետի վրա Խոդաֆերինի կամուրջի մոտակայքի ջրամբարն է: Սա շատ խոշոր ջրամբար է և կառուցվել է Իրանի ֆինանսական միջոցնրով», - ասաց բանախոսն՝ ավելացնելով, որ հայկական կողմն այս պահին թույլ չի տալիս՝ հակառակորդը տիրանա այդ օբյեկտին:
Դավիթ Բաբայանի խոսքով, սակայն, չի բացառվում, որ հակառակորդը վնասի ջրամբարը՝ էկոլոգիական վնաս պատճառելով Իրանին: