Դուք ռմբակոծում եք մեր եկեղեցիները, իսկ մենք դրանք դարձնում ենք համերգասրահ. Թանկյան
Աշխարհահռչակ ռոք երաժիշտ, System of a Down խմբի մեներգիչ Սերժ Թանկյանը ֆեյսբուքյան իր էջում գրել է․
«Դուք ռմբակոծում եք մեր եկեղեցիները, իսկ մենք դրանք դարձնում ենք համերգասրահ։ Մենք պետք է հաղթենք։ Բնիկ ժողովուրդների այս օրը հիշեք, որ Արցախում հայերը պայքարում են իմպերիալիզմի, ահաբեկչության դեմ և պաշտպանում են իրենց պապենական հողերը: #ArtsakhStrong»։
Հոկտեմբերի 12-ին բելգիահայ երաժիշտը՝ Սևակ Ավանեսյանը, նվագել է հրետակոծված Շուշիի Սուրբ Ամենափրկիչ Ղազանչեցոց մայր տաճարում:
Հոկտեմբերի 8-ին Ադրբեջանի զինված ուժերը երկու անգամ հրթիռակոծել են Շուշիի խորհրդանիշ Սուրբ Ղազանչեցոց եկեղեցին։
