Ցավում ենք Ադրբեջանի և Հայաստանի միջև հրադադարի ռեժիմի խախտման կապակցությամբ. Իրանի ԱԳՆ

Իրանի արտաքին գործերի նախարարության խոսնակը ցավ է հայտնել Ադրբեջանի և Հայաստանի միջև հրադադարի ռեժիմի խախտման կապակցությամբ: Այս մասին գրում է Pars Today-ը։

Արձագանքելով Ադրբեջանի  և Հայաստանի միջև հրադադարի ռեժիմի խախտմանը՝ երկուշաբթի օրն Իրանի արտաքին գործերի նախարարության խոսնակ Սաիդ Խաթիբզադեն հայտարարել է, որ Իրանն ափսոսում է հրադադարի ռեժիմի խախտման համար և  կողմերին կոչ է անում զսպվածություն դրսևորել և խուսափել կենսական նշանակություն ունեցող ենթակառուցվածքներին հրթիռային հարվածներ հասցնելուց:

Խաթիբզադեն  դատապարտում է քաղաքների բնակելի տարածքների հրթիռակոծությունը  և խաղաղ բնակիչների սպանությունները և ցավակցել զոհվածների ընտանիքներին:

Նա հավելել է, որ Իրանը կրկին կոչ է անում երկու կողմերին պահպանել հրադադարի ռեժիմը և վերսկսել բանակցությունները միջազգային իրավունքի շրջանակներում, միմյանց տարածքային ամբողջականության հարգելոով և գրավյալ քաղաքների տարհանումն ապահովելով:

Իրանի արտգործնախարարության խոսնակը հայտարարել է նաև Թեհրանի պատրաստակամության մասին` աջակցել  Բաքու-Երևան բանակցություններին` տարածաշրջանում խաղաղություն հաստատելու նպատակով: