Ռուս-հայկական հարաբերությունները հիմնված են մոտ 200 պայմանագրի վրա. ՌԴ ԱԳՆ հայտարարությունը

ՌԴ ԱԳ նախարարությունը ՀՀ ԱԳ նախարար Զոհրաբ Մնացականյանի՝ հոկտեմբերի 11-13-ին կայանալիք Մոսկվա պաշտոնական այցին ընդառաջ  հրապարակել է Հայաստանի և Ռուսաստանի բարեկամանական հարաբերությունների վերաբերյալ մանրամասն հայտարարություն, որում մասնավորապես ասվում է, որ  ՌԴ ԱԳՆ-ում կայանալիք բանակցությունների ընթացքում նախատեսվում է քննարկել երկկողմանի համագործակցության,ԵԱՀԿ, ՀԱՊԿ և ԱՊՀ արտաքին քաղաքական համագործակցության սահմանները, ԵԱՀԿ, ՄԱԿ Եվրոպայի Խորհրդի, ՍSՏՀ և այլ միջազգային ֆորումներում դիրքերի կոորդինացմանը վերաբերող  բոլոր հարցերը։ Կայանալու է կարծիքների փոխանակում տարածաշրջանային և միջազգային թեմաների վերաբերյալ։ Դիտարկվելու է ՌԴ ԱԳՆ-ի և ՀՀ ԱԳՆ-ի 2020-2021   խորհրդակցությունների ծրագրի իրագործման ընթացքը։

Նշվում է նաև, որ հիմնական քննարկվող հարցերից մեկը լինելու է Լեռնային Ղարաբաղի հակամարտության կարգավորման խնդիրը․ 2020-ի հոկտեմբերի 9-10-ը Մոսկվայում՝ ՌԴ ԱԳՆ, ՀՀ ԱԳՆ և Ադրբեջանի ԱԳՆ-ի եռակողմ հանդիպման ժամանակ ձեռքբերված պայմանավորվածությունների զարգացման շրջանակներում կշարունակվի հակամարտության գոտում լարվածության թուլացմանն ուղղված երկխոսությունը և բովանդակային բանակցությունները վերսկսելու համար համապատասխան պայմանների ստեղծումը՝ այդ թվում ԵԱՀԿ Մինսկի խմբի համանախագահների միջնորդությամբ։

ՌԴ ԱԳՆ-ն նշել է, որ այցը լինելու է ռուս-հայկական հագեցած քաղաքական երկխոսության տրամաբանական շարունակությունն՝ ուղղված մեր երկրների միջև հետագա քաղաքական, առևտրա-տնտեսական, մարդասիրական և այլ ոլորտներում սերտ համագործակցությանը․ Մոսկվայի և Երևանի միջև տարածաշրջանային և գլոբալ հիմնական հարցերի շուրջ հաստատված է արտաքին քաղաքական կոորդինացում՝ ունիվերսալ և մասնագիտացված միջազգային կառույցների շրջանակներում՝ ՄԱԿ, ԵԱՀԿ և այլն։

Նշվում է , որ երկու երկրների միջև հարաբերությունները հիմնված են մի շարք պայմանագրերով ամրագրված սկզբունքների վրա՝ Բերակամության մասին պայմանագիր և այլ մոտ 200 պայմանագրեր։ Նշվում է, որ այդ փաստաթղթերի պրակտիկ իրագործումը թույլ է տվել երկկողմանի փոխգործակցությանը բոլորովին նոր բնույթ տալ՝ դարձնելով դրանք հավսարակշռված և զարգացմանը միտված։