Կոնգրեսական Բրեդ Շերմանը հայ համայնքի հետ մասնակցել է Լոս Անջելեսի ցույցին

ԱՄՆ կոնգրեսական Բրեդ Շերմանը ֆեյսբուքյան էջում տեղեկացրել է, որ հազարավոր հայերի հետ մասնակցել է Լոս Անջելեսի ցույցին:

«Այսօր պատիվ ունեցա կանգնել և իմ համերաշխությունը հայտնել Լոս Անջելեսում հավաքված հազարավոր հայերի, որոն հավաքվել են հաղթանակի երթ (#MarchForVictory) անելու և դատապարտելու ադրբեջանական և թուրքական ագրեսիան Արցախի ու Հայաստանի դեմ»,-գրել է նա և հավելել #ArtsakhStrong հեշթեգը։

Նշենք, որ Լոս Անջելեսում հայ համայնքը բազմամարդ բողոքի խաղաղ ցույց է անցկացրել Թուրքիայի հյուպատոսության առջև: Ամերիկյան բոլոր առաջատար լրատվամիջոցներն անդրադարձել են հայերի ցույցին՝ նշելով, որ մասնակիցները չափազանց խաղաղ են:

Ցուցարարները ծածանել են Հայաստանի և Արցախի դրոշներն ու վանկարկել՝ «Թուրքիան մեղավոր է ռազմական հանցագործությունների համար», «Հայաստանը խաղաղություն է ուզում», «Արցախը Հայաստան է»։

[f6d570186031531ee5725a9b37f18761.jpg]