Ռուսաստանը ծայրաստիճան շահագրգռված է Հայաստանում և Ադրբեջանում կայուն իրավիճակով. Զախարովա
Ռուսաստանը, պաշտպանելով իր ազգային շահերը, ծայրաստիճան շահագրգռված է Հայաստանում և Ադրբեջանում կայուն իրավիճակով: Այս մասին Воскресный вечер с Владимиром Соловьевым հաղորդման եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Ստեղծված իրավիճակի յուրահատկությունը այն է, որ մեր ազգային շահերի առկայության դեպքում, իսկ մենք դրանք ունենք և պաշտպանում ենք դրանք, առաջնային պլանում, մեզ համար կարևոր է ինչպես Ադրբեջանի, այնպես էլ Հայաստանի կայունությունը, և նրանց հարաբերությունները էապես կարևոր են մեզ համար»,-ասել է նա։
Զախարովան շեշտել է, որ Ռուսաստանը իրեն թույլ չի տալիս խաղալ այլ երկրների ժողովուրդների զգացմունքների վրա և երբեք «դատարկ հռետորաբանությամբ» չի զբաղվում։
