Որքա՞ն տուգանք կսահմանվի ռազմական դրության ռեժիմի կանոնները խախտելու համար

Վարչական իրավախախտումների, քրեական և աշխատանքային օրենսգրքերում փոփոխությունների նախագծերի հիմնական զեկուցող արդարադատության նախարար Ռուստամ Բադասյանը պատգամավորներին ներկայացրեց, որ սրանք նպատակ ունեն կանխարգելելու ռազմական դրության ժամանակ կեղծ տեղեկությունների տարածումն ու հակապետական գործունեությունը։ 

Սահմանվում է, որ ռազմական դրություն հայտարարված տարածքում ազատ տեղաշարժվելու իրավունքի սահմանափակումը կամ տարածք մուտք գործելու և տարածքից դուրս գալու հատուկ ռեժիմը խախտելն առաջացնում է տուգանքի նշանակում` սահմանված նվազագույն աշխատավարձի երկուհարյուրապատիկից մինչև երեքհարյուրապատիկի չափով` 200 հազարից 300 հազար դրամ: