Արցախում հրետանուց արձակված կրակից վիրավորվել է Մեղրիի քաղաքապետը

Արցախի հարավում հակառակորդի հրետանուց արձակված կրակից վիրավորում է ստացել Մեղրի համայնքի ղեկավար Մխիթար Զաքարյանը. նրան տեղափոխել են Երևան, ցուցաբերվել է անհրաժեշտ բուժօգնություն, վիճակը ներկայում կայուն է:

Մեղրիի հանայնքապետի մամուլի խոսնակ Մարիամ Ծատրյանն իր էջում գրում է.

«Քիչ առաջ եմ խոսել Մեղրի համայնքի ղեկավարի հետ։ 4 ժամ տևած վիրահատությունը (ուսից֊արմունկ՝ ոսկրային) ավարտվել է։ Իրեն արդեն լավ էր զգում և ամուր։

Կարևոր ընդգծում. համայնքի ղեկավար Մխիթար Զաքարյանը վիրավորումը ստացել է ոչ թե Մեղրիի դիրքերում, այլ Արցախի հարավում։

Մեղրիում իրավիճակը հանգիստ է»: