Արցախից Հայաստան տեղափոխվածների համար առանձնացվել են առաջին կայանման գիշերակացեր

ՀՀ աշխատանքի և սոցիալական հարցերի նախարար Զարուհի Բաթոյանը գրառում է կատարել՝ նշելով․

«Հարգելի՛ հայրենակիցներ,

Արցախից ժամանակավորապես տեղափոխված մեր հայրենակիցներին սոցիալական աջակցություն տրամադրելու համար անընդհատ վերանայվում է ռազմավարությունը, որպեսզի կարողանանք ճիշտ արձագանքել իրավիճակին և մարդկանց կարիքներին:

Անցակետից արդեն նախարարությունը ստանում է տվյալներ Հայաստանում կացարան չունեցող անձանց մասին՝ ճշտելով նրանց թիվը, տարիքը և առանձնահատուկ կարիքները:

Առանձնացվել են առաջին կայանման գիշերակացեր, որտեղից քաղաքացիները տեղափոխվում են կացարաններ:

Նկատի ունենալով ստեղծված իրավիճակը, բոլոր կամավորական խմբերին խնդրում ենք համակարգված գործել և ռազմական իրադրության հետ կապված հարցերի դեպքում զանգել 117 թեժ գծին:

Շնորհակալ եմ համագործակցության համար»: