Արյան անհրաժեշտ խմբաքանակը լրացվեց. Արյունաբանականը շնորհակալություն է հայտնում դոնորներին

«Ռ.Հ.Յոլյանի անվան Արյունաբանական Կենտրոնից» հայտնում են․

«Հարգելի հայրենակիցներ, Արյունաբանական կենտրոնն իր շնորհակալությունն է հայտնում բոլոր այն կամավորներին, ովքեր միացան մեր կոչին և կատարեցին արյունատվություն:

Տեղեկացնում ենք, որ այս պահին արյան անհրաժեշտ խմբաքանակը համալրվել է և խնդրում ենք չայցելել Արյունաբանական կենտրոն:

Անհրաժեշտության դեպքում կրկին կտեղեկացնենք:

Շնորհակալ ենք»:

Առողջապահության նախարարությունն իր հերթին հորդորում է չտարածել գրառումներ՝ արյան որևէ կոնկրետ խմբի շտապ անհրաժեշտության մասին: