Մարտերը շարունակվում են տարբեր ինտենսիվությամբ, հրետանակոծվել են Մարտակերտն ու հարակից բնակավայրերը. Արծրուն Հովհաննիսյան

Մարտերը շարունակվում են տարբեր ինտենսիվությամբ, հրետանակոծվել են Մարտակերտն ու հարակից բնակավայրերը: Այս մասին մամուլի ասուլիսի ժամանակ հայտարարեց Արծրուն Հովհաննիսյանը՝ հավելելով, որ հայկական կողմը հաջողությամբ ետ է մղում հարձակումները՝ հակառակորդին պատճառելով զգալի կորուստներ:

Հովհաննիսյանը նշեց, որ հարավային ուղղությամբ բավականին լայնածավալ հարձակողական գործողություններ են հետ մղվել, ինչի արդյունքում ադրբեջանական կողմը կորցրել է 10-11 զրահատեխնիկա, հիմնականում՝ տանկեր: Թշնամական ուժերը հետ են շպրտվել ելման դիրքեր: Այդ ուղղությամբ համեմատաբար հանգիստ է, թեթև մարտեր են ընթանում: Այլ ուղղությամբ մարտերը շարունակվում են:

Օրվա ընթացքում հրետանու կիրառումը բավականին ակտիվ է եղել, հրետակոծվել են նաև հյուսիսայինհ հատվածի հայկական բնակավայրերը, մասնավորապես Մարտակերտում կրակի տակ են ընկել նաև լրատվամիջոցների ներկայացուցիչները: