Հարյուրավոր զոհեր հաստատ չունենք. Արծրուն Հովհաննիսյանը մանրամասնում է

Մենք հարյուրավոր զոհեր իհարկե չունենք, դա կեղծիք է: Այս մասին մամուլի ասուլիսի ժամանակ հայտարարեց Արծրուն Հովհաննիսյանը՝ մեկնաբանելով ադրբեջանական ապատեղեկատվությունը:

«Յուրաքանչյուր հաստատված տվյալ ամփոփվում է ու ազգանուններով հայտարարվում: Բայց հարյուրավոր զոհեր հաստատ չունենք»,-ասաց նա:

 Խոսելով կամավորների մասին՝ Հովհաննիսյանը նշեց, որ շատ շատերն են դիմել, իսկ մեկնողների թիվը չի կարող հրապարակել, քանի որ դա գաղտնիք է. «Ստիպված ենք շատերին ասել, որ դիմեն իրենց զինկոմիսարիատներին, որովհետև չկազմակերպված աշխատանքը խանգարելու է: Շատ ավելի տեղին կլինի, եթե զինկոմիսարիատներն իրենց ցուցակներով մարդկանց կազմակերպեն, որպեսզի զորահավաքը կազմակերպվի ինչպես անհրաժեշտ է: Առանձին կամավորական ցանկությունները միշտ չէ, որ օգնում են»: