Հայաստանում այսօր հաստատվել է կորոնավիրուսով վարակման 429 նոր դեպք. մահացել է 1 քաղաքացի. ԱՆ

Հայաստանում սեպտեմբերի 26-ի դրությամբ հաստատվել է կորոնավիրուսով վարակման 429 նոր դեպք, վարակվածների ընդհանուր թիվը հասել է 49 072-ի:
 

Ինչպես տեղեկացնում է ՀՀ Առողջապահության նախարարությունը, մեկ օրում կորոնավիրուսի հետևանքով մահացել է 1 քաղաքացի, մահացածների թիվը 948 է:
 

Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան 2 դեպք: Սեպտեմբերի 26-ի դրությամբ մահվան այս դեպքերի թիվը 295 է:  Մահվան դեպքի վերաբերյալ ԱՆ-ն հայտնում է, որ պացիենտը եղել է 79 տարեկան տղամարդ և ունեցել է ուղեկցող քրոնիկական հիվանդություններ։

Մեկ օրում առողջացածների թիվը 175 է, ընդհանուր առողջացածներինը՝ 43576, փաստացի բուժվողներինը՝ 4253 (մեկ օրում ավելացել է 251-ով): Մեկ օրում արվել է 4289 թեստ, ընդհանուր առմամբ առ այսօր արվել է 280 366 թեստ: