Արտեմ Միկոյանի անվան թիվ 166 դպրոցում 3 դասվար վարակվել է կորոնավիրուսով

Արտեմ Միկոյանի անվան թիվ 166 դպրոցում առաջին դասարանի 3 դասվարի մոտ կորոնավիրուսի թեստը դրական է եղել։ Այս մասին լրատվամիջոցների հետ զրույցում հայտնել է ԿԳՄՍ նախարարության հասարակայնության հետ կապերի և տեղեկատվության վարչության պետի տեղակալ Օֆելյա Կամավոսյանը։

Նա նշել է, որ այն դասարանները, որտեղ այդ ուսուցիչները դասավանդել են, անցել են հեռավար ուսուցման։ «Բնականոն դասապրոցեսը դպրոցում շարունակվում է, 40 բացակա է եղել 500 հոգուց »,-ասաց նա։
 

Օֆելյա Կամավոսյանի խոսքով ՝ Հայաստանի տարբեր մարզերում էլի կան կորոնավիրուսով վարակման դեպքեր դպրոցներում, օրինակ` Տավուշի մարզի Նոյեմբերյան քաղաքի հիմնական դպրոցում  ևս գրանցվել են դեպքեր։
 

Ըստ նրա՝ դպրոցները ժամանակավորապես փակելու մասին խոսք չկա։