ԿԳՄՍ փոխնախարարը հրաժարակա՞ն է ներկայացրել. տարաձայնություններ կան նախարարի հետ
Մամուլում տեղեկություններ են տարածվել այն մասին, որ Կրթության, գիտության, մշակույթի և սպորտի փոխնախարար Գրիշա Թամրազյանն աշխատանքից ազատման դիմում է ներկայացնելու: Ըստ հրապարակումների՝ պատճառը կրթության չափորոշիչներն են ու ազգային արժեքներին դեմ գնալը, որի հետևանքով լարվել են փոխնախարարի և նախարարի հարաբերությունները։ Ավելին՝ անհամաձայնությունները սկսել են դեռևս այն ժամանակվանից, երբ ԿԳՆ փոխնախարար էր նաև Արևիկ Անափիոսյանը, գրում է Լurer.com-ը:
Auroranews-ը ԿԳՄՍ- ից փորձում է պարզել լուրի իսկությունը: Այս րոպեներին սպասում ենք նրանց պատասխանին.
Հիշեցնենք, որ տևական ժամանակ է՝ ինչ բողոքի ակցիաներ են տեղի ունենում ԿԳՄՍ նախարար Արայիկ Հարությունյանի հրաժարականի պահանջով։ Պատճառն այն է, որ նախատեսվում է դպրոցներում կրճատել հայոց լեզվի դասաժամերը, «Հայոց եկեղեցու պատմություն» առարկան այլևս առանձին առարկա չի դասավանդվելու, խնդրահարույց է համարվում նաև սեռական դաստիարակությանը վերաբերող որոշ կետեր, ինչպես նաև գրականության դասաժամերից հանվում են միջնադարյան որոշ գրողների ստեղծագործություններ, որոնց փոխարեն ընդգրկված են լինելու ժամանակակից հայ գրողների որոշ խնդրահարույց ստեղծագործություններ։
