Զախարովան կոչ է արել կենտրոնանալ բացառապես Մոսկվայի, ոչ թե այլ մեկնաբանությունների վրա

ՌԴ ԱԳՆ պաշտոնական ներկայացուցիչ Մարիա Զախարովան, մեկնաբանելով Ադրբեջանի կողմից Սերգեյ Լավրովին հասցեագրվող հայտարարությունները՝ կոչ է արել կենտրոնանալ  բացառապես Մոսկվայի,  ոչ թե այլ մեկնաբանությունների վրա։

«Ինչ վերաբերում է նախարարի խոսքերի մեջբերման ճիշտ լինելուն, ես կուզեի ձեր ուշադրությունը հրավիրել և, սկզբունքորեն, այս հարցերն ուղղել այն հասցեատերերին և աղբյուրներին, որտեղից ստացվել է այս տեղեկատվությունը: Հետևաբար, դրա վրա ես նույնիսկ կանգ չեմ առնելու», - ճեպազրույցում ասել է Զախարովան:

Ինչ վերաբերում է ղարաբաղյան հակամարտության կարգավորմանը, Զախարովան նշել է, որ այսօր ադրբեջանական կողմի հետ հանդիպման ժամանակ «քննարկվել են Լեռնային Ղարաբաղի հակամարտության կարգավորման նախկինում հնչեցված հիմնարար սկզբունքները, այդ թվում՝ Լեռնային Ղարաբաղի կարգավիճակային հարցերի լուծումը, ինչպես նաև դրա շուրջ տարածքների ազատումը»:

Քաղաքականություն

Պատահարներ