«Առավոտյան Նիկոլը զանգեց, ասաց՝ ինձ թիկունքից հարվածում են». Վահրամ Բաղդասարյանը՝ 2018-ի դեպքերի մասին

ՀՀԿ Գործադիր մարմնի անդամ Վահրամ Բաղդասարյանը «168 ժամ»-ի եթերում հայտարարել էր, որ նախքան վերջին խորհրդարանական ընտրությունները շուրջ 15 առանձնազրույց է ունեցել ՀՀ վարչապետ Նիկոլ Փաշինյանի հետ:

«Կարծեմ հոկտեմբերի 1-ն էր, երեկոյան մենք «Մարիոթ»-ում ունեցանք հանդիպում և պայմանավորվեցինք, որ հաջորդ օրը երեկոյան կհանդիպենք նաև ՀՅԴ-ի և ԲՀԿ-ի հետ, միասնական մի պրոյեկտ կունենանք, որով հետո հայտարարություն կանենք, որ մայիսին գնում ենք ընտրությունների: Հաջորդ օրը առավոտյան, սակայն, ինձ զանգ եկավ, զանգեց Նիկոլը Փաշինյան և ասաց՝ ինձ թիկունքից հարվածում են և այլն, 17:30 ես կգամ Ձեզ մոտ, և մենք կզրուցենք: Արարատ Միրզոյանի հետ եկան իմ առանձնասենյակ, և նա հայտարարեց, որ պայմանավորվածությունը չեղյալ է համարվում, և ինքը միանձնյա որոշել է, որ դեկտեմբերին պետք է լինեն արտահերթ ընտրություններ»,- պատմել է Վ. Բաղդասարյանը: