Ունենք ուժեղ բանակ, և երազանք ունենք, որ քաղաքական առողջ համակարգ ունենանք, պետական ինստիտուտները զարգացած լինեն, որի արդյունքում մարդը կլինի կենտրոնական և բարձրագույն արժեք։ Այս մասին այսօր լրագրողների հետ զրույցում նշեց ԼՀԿ ղեկավար Էդմոն Մարուքյանը։

Անդրադառնալով Ադրբեջանի նախագահի հայտարարություններին, ըստ որոնց, բանակցություններ հիմա չկան, և դրա մեղավորը Հայաստանն  է,  նա նշեց․ «Ալիևը սովորական սադրիչ է և մենք չպետք է տրվենք սադրանքի, ամեն հայտարարությունից առաջ և հետո մենք պետք է ամրացնենք առաջնագիծը։ Ամեն օր կա պատերազմի վտանգ, մենք գտնվում ենք ոչ բարեկամական տարածաշրջանում»։

Անդրադառնալով երկրի ազգային անվտանգությանը սպառնացող վտանգներին, նա ասաց, որ ընդդիմությանը մեղադրելու փոխարեն՝ իշխանությունը պետք է զբաղվի երկրի անվտանգությամբ։