Քոնոր Մաքգրեգորը ձերբակալվել է սեռական բռնության փորձ անելու և ոչ պատշաճ վարք դրսևորելու կասկածանքով
Խառը մարտարվեստների իռլանդացի մարտիկ, UFC բացարձակ մարտական առաջնության երկու քաշային կարգում նախկին չեմպիոն Քոնոր Մաքգրեգորը ձերբակալվել է:
32-ամյա մարզիկը կասկածվում է սեռական բռնության փորձ անելու և ոչ պատշաճ վարք դրսևորելու մեջ: Համապատասխան բողոքը ստացվել է սեպտեմբերի 10-ին: Իռլանդացին այդ օրերին հանգստանալիս է եղել Կորսիկա կղզում:
Մարզիկը հերքում է իր հասցեին հնչող մեղադրանքն ու չի ընդունում մեղքը: Վերջինս ցուցմունք է տվել ֆրանսիական ոստիկանությանը:
Մաքգրեգորի մենեջեր Օդի Ատտարը հայտնել է, որ վերջինս երբեք չի եղել և չի լինի խոչընդոտ նրանց համար, որոնք ցանկանում են թերթերի վերնագրերում հայտնվել վճարվելու դիմաց:
