Անընդունելի էր Ջուլֆալակյանի կողմից արված այդ քայլը. «Իմ քայլը» խմբակցության պատգամավոր
Արսեն Ջուլֆալակյանի մանդատը վայր դնելու վերաբերյալ «Իմ քայլը» խմբակցության հրավիրված նիստում եղավ ընդհանուր բնույթի քննարկում։ Այս մասին քիչ առաջ լրագրողների հետ զրույցում ասաց «Իմ քայլը» խմբակցության պատգամավոր Տիգրան Ուլիխանյանը։
Կարծում եմ՝ սխալ է վարվել պարոն Ջուֆալակյանը. ես այդպես չէի վարվի։ Կարծում եմ, որ անհրաժեշտ եւ բավարար ջանքեր գործադրելու դեպքում այս հարցն այլ լուծում կունենար։ Արսեն Ջուլֆալակյանի հետ կապված եղած տարաձայնություններ է ունեցել, ապա խմբակցության մակարդակով քննարկում չի եղել։ Եթե առկա է այնպիսի լուրջ խնդիր, որը կարող է հանգցնել ԱԺ պատգամավորի մանդատը վայր դնելուն, ապա այդ խնդիրը անպայման պետք է քննարկված լիներ խմբակցությունում եւ արձանագրենք, որ այդպիսի խնդրի մասին մենք չենք իմացել»,- ասաց պատգամավորը՝ հավելելով, որ իր համար անընդունելի էր Ջուլֆալակյանի կողմից արված այդ քայլը:
