Դոնալդ  Թրամփը հիացած է եղել Վլադիմիր Պուտինի կառավարման ոճով

Թրամփը հիացած է Ռուսաստանի նախագահ Վլադիմիր Պուտինի կառավարման ոճով, ԱՄՆ նախագահ Դոնալդ Թրամփի նախկին իրավաբան Մայքլ Քոենն իր հրապարակած հուշերում է պնդում է, գրում է The Washington Post պարբերականը:  «Պատճառը, որի բերումով Թրամփը Պուտինով է հիացած, ավելի պարզ է, քան շատ քննադատներ են կարծում: Թրամփին դուրս է գալիս այն, որ Ռուսաստանի նախագահն իր կառավարման տակ է վերցրել մի աբողջ երկիր ու այն կառավարում է այնպես, ինչպես իր սեփական ընկերությունը, ճիշտ նույն կերպ, ինչպես ինքը՝ Թրամփը, «Trump Orgaznization»-ն է ղեկավարել»,- նշել է Քոենը: 
Ըստ նրա վարկածի՝ 2016 թ-ի նախընտրական քարոզարշավի ժամանակ Թրափը Պուտինին սխալմամբ աշխարհի ամենահարուստ մարդն է համարել, քանի որ փողը շատ է գնահատում: 
Թրամփի նախկին իրավաբանն իր գրքում նաև անդրադարձել է ԱՄՆ գործող նախագահի՝ մինչև ընտրվելը Մոսկվայի հետ գործարքի գնալու մասին վարկածին ու նկատել, որ ոչ թե ինչ-որ դավադրություն է տեղի ունեցել, այլ այդ պահին Ռուսաստանի և ԱՄՆ-ի շահերն են համընկել: «2016 թ-ին շահերի համընկնում է եղել այն իմաստով, որ ամեն ջանք գործադրվել է ԱՄՆ նախագահի պաշտոնում Հիլարի Քլինթոնի ընտրվելը կանխելու համար»,- գրել է Քոենը: