Ե՞ րբ կմեկնարկեն կորոնավիրուսի դեմ ռուսական պատվաստանյութի խոշոր մատակարարումները. մանրամասներ
Կորոնավիրուսի դեմ ռուսական պատվաստանյութի խոշոր խմբաքանակներով մատակարարումները կմեկնարկեն սեպտեմբերին։ Ինչպես հայտնում է ՌԻԱ Նովոստին, այս մասին ասել է ՌԴ առողջապահության նախարար Միխայիլ Մուրաշկոն։
Մուրաշկոն նշել է, որ զուգահեռաբար ընդլայնվում է պատվաստանյութի արտադրությունն ու գրանցման վերահսկողությունը։
«Առաջին հերթին իհարկե, պատվաստանյութեր կտրամադրվեն բուժաշխատողներին և մանկավարժներին, պատվաստումը բացարձակ կամավոր բնույթ է կրելու։ Մեծ խմբաքանակներով առաջին մատակարարումները կմեկնարկեն արդեն սեպտեմբերին», – ասել է Մուրաշկոն։
Հիշեցնենք` կորոնավիրուսի դեմ առաջին պատվաստանյութի գրանցման մասին Ռուսաստանում օգոստոսի 11-ին հայտարարեց Վլադիմիր Պուտինը։ Նրա խոսքով` Ռուսաստանն առաջին երկիրն է, որը COVID-19 դեմ դեղամիջոց է գրանցել, պատվաստանյութն էլ բավական արդյունավետ է, կայուն իմունիտետ է ձևավորում, անցել է բոլոր անհրաժեշտ ստուգումները։
Նշվում է, որ ռուսական պատվաստանյութը շրջանառության մեջ կդրվի 2021 թվականի հունվարի 1-ին։ Այն անվանել են «Սպուտնիկ V»։
