Լուկաշենկոն կրկին հայտնվել է ինքնաձիգը ձեռքին
Բելառուսի առաջնորդ Ալեքսանդր Լուկաշենկոյի մամուլի քարտուղարը, ի պատասխան РИА Новости-ի այն հարցին, թե որտեղ է գտնվում նախագահը, ցույց է տվել նրա լուսանկարը:
Գործակալության կողմից հրապարակված լուսանկարում Լուկաշենկոն Անկախության պալատում է հայտնվել կրկին զրահաբաճկոնով և ձեռքին ինքնաձիգ կա:
Ինչպես ավելի վաղ հայտնել էինք, երեկ Մինսկում տեղի էր ունենում «Խաղաղության և անկախության երթ» բողոքի ակցիան: Երթի մասնակիցները մոտեցել են Անկախության պալատին, որտեղ գտնվում է Բելառուսի նախագահի նստավայրը: Շենքը շրջապատված է ուժեղացված ОМОН-ի ջոկատներով և ներքին զորքերով:
Հիշեցնենք, որ Լուկաշենկոն արդեն հայտնվել էր ցուցարարների առջև՝ ավտոմատը ձեռքին: Օգոստոսի 23-ին հրապարակվել էր մի տեսանյութ, որում Բելառուսի նախագահը ուղղաթիռով թռչում էր Մինսկի վրայով և հետևում բազմահազարանոց բողոքի ցույցին:
Ավելի ուշ, Լուկաշենկոն հասարակության մեջ իր հայտնվելը զենքով բացատրել է ՆԱՏՕ-ի միջուկային հարվածի սպառնալիքով: «Լսեք, քառորդ դար ես երբեք մատներս չեմ ուղղել ժողովրդի վրա, էլ չեմ ասում կրակելու մասին», - ասել է նա:
