Մինսկի կենտրոնում հավաքվել են Ալեքսանդր Լուկաշենկոյի աջակիցներն ու հակառակորդները

Մինսկի կենտրոնում՝ Անկախության հրապարակում, հավաքվել են Բելառուսի նախագահ Ալեքսանդր Լուկաշենկոյի աջակիցներն ու հակառակորդները, հաղորդում է «ՌԻԱ Նովոստի»-ն:

Մի քանի հարյուր մարդ է հավաքվել հրապարակում, ընդդիմությանը կարելի է ճանաչել սպիտակ-կարմիր-սպիտակ դրոշներով, աջակիցներին՝ Բելառուսի պետական դրոշներով, ՌՕՈւ դրոշներով եւ Գեորգիեւյան ժապավեններով: Ընդդիմության աջակցիները հավաքվել են Լենինի հուշարձանի եւ դեպի կառավարական տուն տանող ճանապարհի մոտ: Ցույցի մասնակիցների թիվը գրեթե նույնն է, ինչպես երեկ:

Լուկաշենկոյի աջակիցների խումբը նախ հավաքվել է Անկախության հրապարակում, ապա ոտքով քայլել դեպի Հաղթանակի հրապարակ: Ճանապարհին նրանք բղավել են՝ «Բելառուս» եւ ծափահարել: Հասնելով Հաղթանակի հրապարակ՝ նրանք շրջանակ են կազմել եւ հայտարարել, որ կողմ են խաղաղությանը:

Երթի ժամանակ Լուկաշենկոյի աջակիցներին դիմավորել են նախագահի հակառակորդները սպիտակ-կարմիր-սպիտակ դրոշներով: Նրանց միջեւ քաղաքականության եւ անցած ընտրությունների թեմայով վեճ է բռնկվել: Ընդ որում, երթը խաղաղ է ընթացել: