Եթե անալիզները ցույց տան, որ Նավալնուն թունավորել են, հետաքննություն կանցկացվի. Պեսկով

Կրեմլը ԶԼՄ-ներից տեղեկացել է բլոգեր Ալեքսեյ Նավալնու ծանր վիճակի մասին, նրան առողջության համար պայքարում են լավագույն բժիշկները: Այս մասին, ՏԱՍՍ-ի հաղորդմամբ, ասել է ՌԴ նախագահի մամուլի խոսնակ Դմիտրի Պեսկովը:

«Այո, ԶԼՄ-ները հայտնել են, որ նա ծանր վիճակում է: Բժիշկներն անում են հնարավոր ամեն ինչ, Օմսկում լավագույն բժիշկները պայքարում են նրա կյանքի համար»,-ասել է նա:

«Անկասկած, ինչպես եւ մեր ցանկացած քաղաքացու, նրան շուտափույթ ապաքինում ենք մաղթում»,-հավելել է Պեսկովը:

Նրա խոսքով՝ եթե անալիզները ցույց տան, որ Նավալնուն թունավորել են, հետաքննություն կանցկացվի:

Հարցին, թե արդյոք ՌԴ նախագահը տեղեկացել է Նավալնու վիճակի մասին, նա պատասխանել է, որ ԶԼՄ-ների հրապարակումները հասանելի են բոլորին:

Պատասխանելով հարցին, թե արդյոք Նավալնու վիճակը կապ ունի երկրի ղեկավարությամբ հանդեպ նրա վերաբերմունքի հետ, Պեսկովն ասել է, որ գործող իշխանությունը շատ քննադատներ ունի, այդ թվում ՌԴ քաղաքացիների շրջանում:

«Անկասկած, եթե ինչ-որ բան է սպառնում ՌԴ քաղաքացու կյանքին, դա լուրջ իրավիճակ է:Ե՛վ բժիշկները, եւ՛ իրավապահները հավասար չափով լրջորեն են վերաբերվում ցանկացած քաղաքացու»,-եզրափակել է Պեսկովը: