ՏԵՍԱՆՅՈՒԹ. Ուկրաինացի հաղորդավարուհուն որդու աչքի առաջ ծեծի են ենթարկել և փորձել բռնաբարել
Ուկրաինացի հաղորդավարուհի Անաստասիա Լուգովայային որդու աչքի առաջ ծեծել և փորձել են բռնաբարել Մարիուպոլից Կիև մեկնող գնացքում:
Հաղորդավարուհին ֆեյսբուքյան իր էջում պատմում է, որ գիշերը գնացքի խցիկ է մտել ներքնազգեստով մի տղամարդ և սկսել հարվածել իրեն: Հաղորդավարուհին սկսել է բղավել և բղավոցից արթնացել է նրա փոքրիկ որդին, ով նույնպես սկսել է գոռալ: Տղամարդը փորձել է հարվածել երեխային, բայց Անաստասիան կանգնեցրել է նրան` ասելով, որ պատրաստ է կատարել նրա ցանկացած խնդրանքը:
Ի պատասխան դրա` տղամարդը փորձել է բռնաբարել կնոջը: Այդ ժամանակ Լուգովայան համոզել է տղամարդուն դուրս գալ սենյակից, որպեսզի որդին ոչինչ չտեսնի, տղամարդը համաձայնել է և հաղորդավարուհուն տարել է իր խցիկ: Սակայն, երեխան շարունակել է բարձր լացել: Այդ ժամանակ հաղորդավարուհին որդուն հանգստացնելու պատրվակով լքել է հարձակվողի առանձնասենյակը և որդու հետ թաքնվել հարևան վագոնում:
Ի վերջո, հանցագործին ձերբակալել են, գնացքի ղեկավարը կարգադրել է հսկել նրան, որպեսզի չփախչի:
Նշվում է, որ հաղորդավարուհու ամուսինը հայտարարել է, թե գնացքի աշխատակազմը գումար է առաջարկել իր կնոջը` դեպքի վերաբերյալ չբարձրաձայնելու համար:
