Կորոնավիրուսից մահացել է ՊԵԿ-ի 41-ամյա աշխատակից Ռաֆայել Գյուլասարյանը
Խոր ցավով հայտնում ենք, որ 41 տարեկան հասակում կյանքից անժամանակ հեռացել է փորձառու մասնագետ և պատասխանատու աշխատակից ՀՀ ՊԵԿ հետաքննության և օպերատիվ հետախուզության վարչության ոլորտային թիվ 9 բաժնի պետ Ռաֆաել Գյուլասարյանը: Այս մասին գրված է ՊԵԿ-ի ֆեյսբուքյան էջում։
«Նա կարևոր ներդրում է ունեցել Պետական եկամուտների կոմիտեի գործունեության մեջ:
ՊԵԿ անձնակազմը ցավակցում է Ռաֆաել Գյուլասարյանի ընտանիքին, հարազատներին և գործընկերներին»,- ասված է գրառման մեջ։
ՊԵԿ տեղեկատվության և հասարակայնության հետ կապերի բաժնի պետ Լուսինե Մկրտչյանը Sputnik Արմենիային հայտնեց, որ Գյուլասարյանը մահացել է կորոնավիրուսից։ Ամուսնացած էր, ուներ երկու երեխա։
