ԿԳՄՍՆ-ն կքննի Գոգյանի որոշումը, Գալոյանը կդառնա՞ ռեկտոր. 24News
Այսօր՝ հուլիսի 31-ին, կրթության, գիտության, մշակույթի և սպորտի նախարարությունում նախարար Արայիկ Հարությունյանի գլխավորությամբ նիստ է տեղի ունենալու, ինչի ժամանակ քննելու են Բարձրագույն որակավորման կոմիտեի նախագահ Սմբատ Գոգյանի՝ Տնտեսագիտական համալսարանի ռեկտոր դառնալ ցանկացող Դիանա Գալոյանին դոկտորի գիտական աստիճանից զրկելու հարցը: Այս մասին գրում է 24News-ը:
Հիշեցնենք, որ, ըստ օրենքի, ռեկտոր կարող է ընտրվել միայն դոկտորի աստիճան ունեցող գիտնականը, իսկ ԲՈԿ-ը Գալոյանին կոչումից մոտ տասն օր առաջ է զրկել:
Հայտնի չէ՝ բա՞ց, թե՞ փակ կլինի քննարկումը, բայց չի բացառվում, որ նախարարությունը հերթական անգամ նախընտրի փակ դռների հետևում նիստ անել: Այնպես, ինչպես Ազգային ժողովում արեց Գոգյանի և ԿԳՄՍ փոխնախարար Գրիշա Թամրազյանի հանդիպման ժամանակ:
