Իջևան-Դիլիջան ճանապարհին «ՎԱԶ 2105»-ը բախվել է բետոնե հենասյանը. վարորդը տեղում մահացել է

Հուլիսի 30-ին՝ ժամը 15։00-ին, Ճգնաժամային կառավարման ազգային կենտրոն ահազանգ է ստացվել, որ Իջևան-Դիլիջան ավտոճանապարհի 5-րդ կմ-ին տեղի է ունեցել ՃՏՊ. կա զոհ և տուժածներ։

Դեպքի վայր է մեկնել ԱԻՆ ՓԾ Տավուշի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «ՎԱԶ 2105» մակնիշի ավտոմեքենան (վարորդ՝ Անդրանիկ Մ., ծնված 1960 թ.) դուրս է եկել ճանապարհի երթևեկելի գոտուց և բախվել բետոնե հենասյանը. վարորդը տեղում մահացել է։

Մինչ փրկարարների կանչի վայր հասնելը, ուղևորներ Անժելա Մ.-ն (ծնված 1987 թ.), Լիլիա (ծնված 2013 թ.) և Լամարա (ծնված 2011 թ․) Ո.-երը տեղափոխվել են Իջևանի ԲԿ, որտեղ բժիշկները Անժելա Մ.-ի առողջական վիճակը գնահատել են միջին ծանրության, իսկ երեխաները չեն տուժել։