Իլհամ Ալիևն ու Բյուլբյուլօղլին ամեն ինչ անում են Ռուսաստանը Սումգայիթի վերածելու համար. Ռուսաստանում հայերի միությունը հորդորում է զգոն լինել
Ռուսաստանի մայրաքաղաք Մոսկվայում հարձակվել են հայերի վրա։ Ռուսաստանում հայերի միությունը տեսանյութ է հրապարակել։
«Իլհամ Ալիևն ու Բյուլբյուլօղլին ամեն ինչ անում են Ռուսաստանը Սումգայիթի վերածելու համար։ Նրանց օգնող հանցագործները գիշերը ՌԴ մայրաքաղաք Մոսկվայում հարձակվել հայերի վրա, ընդ որում` ծեծել են նաև մի ադրբեջանցու ՝ շփոթելով նրան հայի հետ»,– գրված է միության ֆեյսբուքյան էջում։
Մոսկվայի իրավապահները ձերբակալել են մի խումբ ադրբեջանցի հանցագործների։
Ռուսաստանում հայերի միությունը հորդորում է լինել զգոն և չտրվել սադրանքների` միաժամանակ նշելով, որ ադրբեջանցիների վայրագությունների մասին տեղեկություններ են գալիս նաև աշխարհի այլ երկրներից։
Տարբեր երկրներում ապրող հայերի ու ադրբեջանցիների հարաբերությունները սրվել են հայ-ադրբեջանական սահմանին տիրող իրավիճակի պատճառով։ Բախումներ են գրանցվել Ռուսաստանում, Ֆրանսիայում, ԱՄՆ-ում, Լեհաստանում, Լիտվայում և այլ երկրներում։
