Այսօր կիրականացվեն «Ձյունիկ սառնարան» ՍՊԸ-ի շենքի պայթեցման աշխատանքներ

2020 թվականի հուլիսի 24-ին՝ ժամը 17:00-ին, «ՆՈՐՏԵԽ ՇԻՆ» սահմանափակ պատասխանատվությամբ ընկերությունը կիրականացնի Երևանի Արշակունյաց պողոտայի 9/2 հասցեում տեղակայված «Ձյունիկ» սառնարանային համալիրի շենքի պայթեցման եղանակով փլեցման աշխատանքներ։

ԱԻՆ լրատվական ծառայությունից հայտնում են, որ պայթեցման աշխատանքների ընթացքում արտակարգ իրավիճակների նախարարության փրկարար ծառայության Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ կիրականացնի հերթապահություն։

Հիշեցնենք՝ օրեր առաջ պայթեցման եղանակով փլեցվեց շենքի մի հատվածը: