Մոսկվայում հայ ճարտարապետների նախագծած ամառային կինոդահլիճը կգործի օգոստոսի 1-ից
Օգոստոսի 1-ից Մոսկվայում կգործի Garage screen ամառային կինոթատրոնը, որը նախագծել է երևանյան SNKH ճարտարապետական ստուդիան։ Այս մասին հայտնում է strelkamag.com-ը:
Ծրագրում ներառված են ֆիլմցուցադրության 3 կանոնավոր ֆորմատներ, սակայն այս տարվա նորույթը կլինի 35 միլիմետրանոց տեսարիզից ցուցադրվելիք ֆիլմը:
Garage Screen ամառային կինոթատրոնի աշխատանքը կսկսվի օգոստոսի 1-ին` Մոսկվայի կինոթատրոնների բացման առաջին օրը և կտևի մինչև հոկտեմբեր:
Հիշեցնենք, որ «SNKH» ճարտարապետական ստուդիան հաղթել էր Մոսկվայի ամենահայտնի՝ Garage ժամանակակից արվեստի թանգարանի կողմից հայտարարված մրցույթում, որի արդյունքում էլ թանգարանի դիմացի հրապարակում կառուցվել է «SNKH»-ի նախագծած ամառային կինոդահլիճը:
