Հուլիսի 21-ին և 22-ին չվերթներ կիրականացվեն Կիև-Երևան, Բեյրութ-Երևան, Մինսկ-Երևան և հակառակ ուղղություններով

Հուլիսի 21-ին կիրականացվի Կիև-Երևան-Կիև չվերթը SKYUP ավիաընկերության կողմից (ժամանում 03:20, մեկնում ժաը 04:20): Այս մասին նշված է ՀՀ Քաղաքացիական ավիացիայի կոմիտեի ֆեյսբուքյան էջում եւներկայացրել առաջիկա օրերի մյուս չվերթները․

«Ս.թ. հուլիսի 21֊ին կիրականացվի Բեյրութ-Երևան֊Բեյրութ չվերթը Middle East ավիաընկերության կողմից (ժամանում 09:50, մեկնում 10։50)։

Ս.թ. հուլիսի 21֊ին կիրականացվի Մոսկվա-Երևան չվերթը Aircompany Armenia ավիաընկերության կողմից (ժամանում 22։30)։

Ս․թ․ հուլիսի 22-ին կիրականացվի Մինսկ-Երևան֊Մինսկ չվերթը Belavia ընկերության կողմից (ժամանում 02:45, մեկնում 03։45):

Արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները ս.թ. հունիսի 23-ից պարտավորվում են ինքնուրույն կազմակերպել իրենց տեղափոխումը օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր»:

Քաղավիացիայի կոմտեից նաեւ խնդրում են առաջիկա չվերթների մասին տեղեկություն ստանալու համար հետեւել կոմիտեի ֆեյսբուքյան էջին։