Վրաստանի ֆուտբոլի ֆեդերացիայի նախագահ Լևան Կոբիաշվիլին այսօր Կորոնավիրուսի հարցերով երկրի համակարգող խորհրդի նիստից հետո հայտարարել է, որ առաջիկա օրերին ֆուտբոլային երկրպագուներին թույլ կտրվի այցելել բացօթյա մարզադաշտեր: Այս մասին տեղեկացնում է Грузия   онлайн պորտալը:

Մարզադաշտ մտնելուց առաջ երկրպագուները ստուգումներ են անցնելու:

«Ավելի քան մեկ ամիս է անցել ֆուտբոլի ներքին առաջնության սկսվելուց, ակտիվացել են նաև մյուս սպորտերը: Սակայն ներկայում այդ ամենն առանց հանդիսատեսի է լինում: Այսօր հարց է բարձրացվել երկրպագուներին բացօթյա մարզադաշտեր թողնելու մասին: Մարզադաշտ մուտք գործելուց առաջ ջերմաչափում է լինելու, պահպանվելու են բոլոր կանոնները, ինչը շատ կարևոր է երկրպագուների առողջության համար»,-ասել է Կոբիաշվիլին: