Եթե կատարվի որևէ սադրանք, կստանան արժանի հակահարված. Ա․Հովհաննիսյան
Ըստ էության՝ ամբողջ օրը օպերատիվ իրավիճակն առաջնագծում եղել է համեմատաբար հանգիստ: Այդ մասին Իջևանում գտնվող ճգնաժամային տեղեկատվական կենտրոնում ճեպազրույցի ժամանակ ասել է կենտրոնի պատասխանաոտւ, ռազմական փորձագետ Արծրուն Հովհաննիսյանը՝ նշելով, որ քիչ են եղել կրակոցներ: Հովհաննիսյանը նաև ավելացրել է, որ կրակոցները եղել են հրաձգային զենքերից: Հովհաննիսյանը նաև նշել է, որ այսօր այցելել է զորամասերից մեկը:
«Զորքերի և հրամանատարության մարտական ոգին բարձր է, լիովին տիրապետում են իրավիճակին: Տեսնում ենք հակառակորդի բոլոր ոտնձգությունների, շարժերի բոլոր ցանկություններն ամբողջովին, և եթե կատարվի որևէ սադրանք, ապա կստանան արժանի հակահարված»։
